గోపాళీయం

ప్రకృతీ అమ్మా ఒకటేగా నిలువెల్లా పూచిన ప్రేమేగా! 👉 అమ్మ పుట్టిన రోజు బహుమతిగా మా పాప గీతల్లో పురుడుపోసుకున్న చిత్రం ఇది.

మల్లెలు చూస్తే మనసు సిగ్గుగా తడబడుతుంది ఊళ్ళో కాసిన వెన్నెల గుండెలో చొరబడుతుంది

  ❤️ నేను చదువుతున్న పుస్తకం ❤️ 👉 పేగు కాలిన వాసన -- ఎ. ఎన్. జగన్నాథశర్మ దిగువ మధ్యతరగతి జీవిత వాస్తవాల నిప్పు కణికెలు చేతి వ్రేళ్ళకి తగిలి, కాలిన కమురు వాసనతో గుండెలు పిండేసేలా రాసిన కథలివి. ఈ కథల్లో ఛిద్ర జీవితాల పట్ల కసీ, కోపం, అభిమానం, జాలి, దయ.. అన్నీ కలగలసిపోయి ఉంటాయి. చెప్పదలచినదీ, చెప్పగలిగినది ఇంత వాడిగా, వేడిగా, సూటిగా, ఒడుపుగా చెప్పే అక్షర విద్య జగన్నాథశర్మకే చాతనవును. చకచ్చికితాలయిన అక్షరాలూ, పదాల పరుగుల ఉరవడీ, కెరటాల్లా విరిగి పడే వాక్యాల విరుపులూ వీటితో.. ఈ కథలన్నీ మనల్ని వెంటాడుతాయి. కన్నీళ్ళూ, వేదనలూ నిండిన ఈ కథలు మరోసారి చదవడానికి భయపెడుతూనే, మళ్ళీ మళ్ళీ చదివించేలా చేస్తాయి. అదే వీటి గొప్పతనం. -- పంతుల జోగారావు కోట్లాది మంది జీవిస్తున్న ఈ దేశంలో దీనజనులకేసి మాత్రమే అపేక్షగా చూసే చూపూ, వాస్తవికతా పరిధిని దాటిపోని యధార్థవాద దృక్పథమూ, మానవీయ విలువలకు ప్రతీకలుగా మారే వ్యక్తులతో అలవోకగా మమేకమయ్యే ధర్మ నిగ్రహమూ, మొదలు పెట్టిన నాలుగు వాక్యాలలోపే కథకు అవసరమైన వాతావరణాన్ని సృష్టించుకునే నేర్పూ, నింపాదిగా, ఒడుపుగా, హుందాగా సాగిపోయే కథనమూ, సదవగాహనా తీరాలకు చేర్చే శిల్పమూ, సా...

శాంతి, యుద్ధమూ నీలోనే ఉన్నాయి మంచీ చెడుగూ నిలువెల్లా నిండాయి లోలోపలికి అనంత ప్రయాణం సాగాలి నీతో నువ్వే నిరంతర యుద్ధం చేయాలి అప్పుడు మిగిలేది బుద్ధత్వం లోకంలో వెలిగేది శాంతితత్వం ముని ✍️ చిత్రం: చిట్టత్తూరు లాస్య