గోపాళీయం

సరిహద్దుల్లో సాయుధమవడం మృత్యువుకు సవాల్ విసరడమే నీది మరణం ఎందుకవుతుంది? జాతి గుండెల్లో పునరపి జననం కానీ భరతమాత నుదుటి సింధూరమై  భగభగ మెరుస్తున్న సూర్యుడా.. నీ పాదాలను ముద్దాడుతున్నాం గడగడలాడుతున్న శత్రువు సాక్షిగా బిగిసిన పిడికిళ్ళమై శాల్యూట్ చేస్తున్నాం! ముని ✍️

 పిట్ట ఒకటి స్వేచ్ఛగా రెక్క విప్పి ఎగురుతుంది కొబ్బరిచెట్ల వరుస ఠీవిగా ఆకాశానికి తలయెత్తుతుంది పైరు కన్నె ముసిముసిగా పచ్చిగాలి పైట విసురుతుంది మట్టిగట్టు  బిడియపడుతూ  మెలిక తిరిగి సాగుతుంది పెంకుటిల్లు మౌనిలా  ఏకాంతమై తపస్సు చేస్తుంది ఊరి చివర దూదిపింజలా మనసు తేలి సేదతీరుతుంది ముని ✍️

మొన్న- ఎర్రచందనం స్మగ్లర్ వేషం వేసిన సినిమా  హీరో.. నిన్న- ఏడుకొండలమీద కొలువైన దేవుడు.. నేడు- ఎవరికోసమో తెలియని ఆటలో నెగ్గిన జట్టు.. దర్శనం చేసుకుని తరించడానికి గుంపులు కట్టిన జనం.. తొక్కుకుంటూ తోసుకుంటూ.. ఊపిరాడక నలిగిపోతూ ఒకరూ ఇద్దరూ కాదు.. పదుల సంఖ్యలో దుర్మరణం.. పిచ్చి కాకపోతే ఏమిటిది.. 'దేవుడా రక్షించు నా దేశాన్ని'- అని సైతం అనలేకపోతున్నా.. ఆయన పేరుతో ప్రవచనకారులు వెఱ్ఱివాళ్లనే ప్రోత్సహిస్తున్నారే.. 'నాయకులారా రక్షించండి నా ప్రజలను' - అందామన్నా నోరు రావడంలేదు.. ఆ నాయకులే సన్మానాలు చేసి మరీ ఈ పిచ్చిని పీక్ కు తీసుకు వెళ్తున్నారే.. వీళ్ళను ఎవరు కాపాడాలి! ఎవరు.. జనాన్ని దెయ్యంలా పట్టిన ఈ పిచ్చిని వదలగొట్టాలి!? (నిన్న బెంగళూరు చిన్నస్వామి స్టేడియంలో ఐపీఎల్ గెలిచిన ఆర్సీబీ ఆటగాళ్లను చూసేందుకు పోటెత్తి మృతువాతపడ్డ వెర్రి అభిమానుల గురించి విని వేదనతో...) ముని ✍️

 “ ఏమండీ ... ముఖానికా పేపరు కాస్త అడ్డం తీస్తారా ’’ అంటూ పొగలు కక్కుతున్న కాఫీతో దర్శనమిచ్చింది శ్రీమతి . కప్పు అందుకోబోతుండగా “ పై వాటా ఖాళీ అయ్యి ఇప్పటికే నెలన్నర పైగా అవుతోంది . దాన్ని రెంటుకిచ్చేదేమైనా ఉందా లేదా ?’’ అంటూ మొదలు పెట్టింది .     “ నీకు తెలియనిదేముంది సృజనా . రోజూ పేపర్లో , టీవీలో చూస్తూనే ఉన్నావు కదా కరోనా ఎంత తీవ్రంగా ఉందో . మన కుప్పంలో కూడా ప్రతి రోజూ కేసులు వందకు తగ్గడంలేదు . ఈ పరిస్థితుల్లో వేరే ఎవరినో అద్దెకు తెచ్చి పెట్టుకుని , మనందరి ప్రాణాలను ప్రమాదంలో పడేయమంటావా . ఇళ్లను అద్దెకివ్వడం కాదుకదా ... చాలామంది ఓనర్లు , అద్దెకున్న వాళ్ళను ఇప్పటికే ఖాళీ చేయించేశారు .”   “ ఇంటిమీదున్న లోను , నెలనెలా కట్టాల్సిన చీటీలు , ఎల్లైసీ ప్రీమియంలు … వీటి సంగతేమిటి మరి ”    “ నిజమేననుకో . ఇట్లాంటి కాలం వస్తుందని కలలో నైనా అను కున్నా మా ? ప్రాణాలు నిలుపుకోవడం ముఖ్యం కదా ” నా వాదనకు తల ఒగ్గిందో లేదో గానీ ఖాళీ కప్పు తీసుకుని వంటగదిలోకి నడిచింది . హమ్మయ్య , ఇప్పటికైతే తప్పింది అనుకుంటూ ఉండగా , “ సార్ ...” అంటూ బయటనుంచి వినిపించింది . ...

 చెట్టూ పుట్టా నీ రూపై తోచే పైరూ పిట్టా నీ స్మరణే చేసే బంధాలన్నీ తృణప్రాయము విడిచే మేనూ మనసూ తపనలతో తడిచే ఆత్మనివేదన చేసెనురా మీరా కృష్ణా.. కరుణతొ నను బ్రోవగ రారా! ముని ✍️ మా పాప వేసిన "మీరా" చిత్రానికి నేను కూర్చిన మాటలు ఇవి. ఆ చిత్రం నా ఫేస్బుక్, ఇన్స్టా లో ఉంది, చూడొచ్చు.

   " మ్మోవ్, ఊరంతా దిరిగినా ఎక్కడ కోడినమ్మేవోడే కనబళ్ళా. యాంజేసేదో అర్తం గావడంల్యా.” పందుంబుల్ల నోట్లో పెట్టుకోని పద్దననగా పైగుడ్డ బుజిమ్మిందేసుకొని ఈదిలో పడిన నాయిన , పందిలి నీడ చిన్న రాయికాడికొచ్చినాక ఇంటికొచ్చినాడు ఈసురోమంటా. పందిలి ముందు యాపసెట్టు కింద ఉండే బండ మింద సతికిలబడినాడు. " అయ్యో, ఈ పాడుబడిన ఊళ్ళో ఒక్కటంటే ఒక్క కోడిని అమ్మేవోడు గూడా లేడా. దుదుగుంటోళ్ల రమణయ్యను అడిగినావా? ల్యాకపోతే నీ సావాసగాడు నాగయ్యను కనుక్కోరాదా సిన్నోడా..”   రాగం దీసింది అవ్వ. “ఆ ఇద్దురినీ అడిగినా. వోల్లు లేదన్నాకే, ఊరుమింద బడినా. చెంచత్త, పొట్టేక్క, పుల్లారెడ్డి మావ, నారి బావ.. ఎవుర్ని అడిగినా లేదనేవోళ్ళే.” మళ్ళోసారి తుండుగుడ్డతో మొగం తుడుసుకున్నాడు. కొక్కో... ర్... కొక్కర్... క్రో.. ర్..   అంటా దిబ్బలో యారక తింటా ఉండే కోళ్ళ గుంపు అదే టయానికి ఈపక్క వొచ్చింది. వోటిని కొంచేపు ఎగాదిగా జూసింది మాయవ్వ. ముక్కలగుండా ఇంత పొడగన గాలి వొదిలింది. “ఇంగేమి జెయ్యాల సిన్నోడా , మన పుల్ల రెక్కల బూడిద పెట్టనే కొయ్యాల. సిన్నమ్మోళ్ళు సిత్తానూరు నించి ఎప్పుడైనా దిగొచ్చు. కోడికూరైనా పెట్టకపోతే మీ బా...